Rrjeti për Pjesëmarrjen Gjithpërfshirëse të Fëmijëve

Rrjeti për Pjesëmarrjen Gjithëpërfshirëse të Fëmijëve (Inclusive Child Participation Network – ICPN) është një projekt që synon të promovojë pjesëmarrjen kuptimplotë të fëmijëve në proceset vendimmarrëse.

Qëllimi ynë është të fuqizojmë fëmijët, veçanërisht ata që përjetojnë përjashtim social, dhe të forcojmë kapacitetet e autoriteteve për të mbështetur pjesëmarrjen kuptimplotë të fëmijëve.

Projekti zbatohet në 11 vende europiane, përfshirë Shqipërinë, dhe drejtohet nga Save the Children Itali në bashkëpunim me 18 organizata partnere.

Aktivitetet e projektit përfshijnë:

• • Krijimin e grupeve të udhëhequra nga fëmijët për të nxitur pjesëmarrjen aktive;
  • Krijimin dhe funksionimin e qendrave burimore për pjesëmarrjen e fëmijëve;
  • Informimin dhe rritjen e njohurive të fëmijëve dhe autoriteteve mbi të drejtat e fëmijëve;
  • Ndërmarrjen e fushatave ndërgjegjësuese në nivel lokal, kombëtar dhe europian.

Në Shqipëri, një nga elementët kryesorë të projektit është Qendra Burimore Online – një platformë digjitale dhe interaktive, e integruar në faqen zyrtare të Save the Children në Shqipëri.

Ajo do të shërbejë për të:

• • Ofruar materiale burimore mbi pjesëmarrjen e fëmijëve;
  • Shpërndarë praktika të mira nga organizata kombëtare dhe ndërkombëtare;
  • Forcuar dijet dhe aftësitë e fëmijëve dhe autoriteteve;
  • Mundësuar ndërveprim përmes takimeve virtuale, sesioneve pyetje-përgjigje dhe videove edukative.

Qendra Burimore është një hapësirë e sigurt, gjithëpërfshirëse dhe lehtësisht e aksesueshme për të mësuar, bashkëpunuar dhe shkëmbyer përvoja që ndikojnë drejtpërdrejt jetën e fëmijëve.

Video Informuese dhe Webinare

Ky seksion përmban video të përzgjedhura, webinare të regjistruara dhe materiale vizuale që ndihmojnë në forcimin e njohurive mbi pjesëmarrjen gjithëpërfshirëse të fëmijëve.