Save the Children beson se çdo fëmijë meriton një të ardhme. Në Shqipëri, sikurse në mbarë botën, ne u ofrojmë fëmijëve një fillim të shëndetshëm në jetë, mundësinë për të mësuar dhe mbrojtje nga rreziqet. Ne bëjmë gjithçka që nevojitet për fëmijët – në jetën e përditshme dhe në kohë krize – duke transformuar jetët e tyre dhe të ardhmen që me ta bashkëndajmë.

Vlerat tona

Përgjegjshmëria – Ne mbajmë përgjegjësi personale për përdorimin me efikasitet të burimeve tona, arritjen e rezultateve të matshme dhe llogaridhënien ndaj mbështetësve, partnerëve dhe, mbi të gjitha, ndaj fëmijëve.

Ambicia – Ne jemi kërkues ndaj vetes dhe kolegëve tanë, vendosim qëllime të larta dhe jemi të përkushtuar për të përmirësuar cilësinë e të gjitha ndërhyrjeve që bëjmë për fëmijët.

Bashkëpunimi – Ne respektojmë dhe vlerësojmë njëri-tjetrin, përparojmë falë larmisë që na dallon dhe punojmë me partnerë për të shumëfishuar forcën tonë globale në mënyrë që të sjellim një ndryshim për fëmijët.

Aftësia krijuese – Ne jemi të hapur ndaj ideve të reja, përqafojmë ndryshimin dhe marrim në sy rreziqe të mirëllogaritura për të gjetur zgjidhje të qëndrueshme për dhe me fëmijët.

Integriteti – Ne synojmë t’u përmbahemi standardeve më të larta të ndershmërisë dhe sjelljes personale, nuk e përlyejmë kurrë reputacionin tonë dhe gjithmonë veprojmë në interesin më të lartë të fëmijëve.

Programet